Lag og foreiningar

Trass i at me ikkje er skremande mange innbyggarar, finn du her ei imponerande lang liste over lag og foreningar me har fått ihop. Velfungerande sådan.

Herreforeninga for Øyfjellingar utan jaktprøve

Herreforeininga for Øyfjellingar utan jaktprøve (HFØUJ) satsar friskt på å aktivisere òg dei i bygda som ikkje luskar rundt i skogane i løpet av haustsesongen. Målet er å stelle i stand eit jaktenkeball, men medlemmene har foreløpig vorte truga av jegarane til å late det vere. Elles er det verd å nevne at HFØUJ kan seiast å vere initiativtakar og igangsetjar av Geitebukken Sjakklubb. Vidar Øygarden (95 80 07 57) er leiar, Jon Rikard Kleven sit som skrivar, kasserar, styremedlem og fyrste vara i styret. Ifylgje talsmann Kleven ligg dei to medlemmene no stille i tilfelle bjørn, men dei er ikkje daue.

Kulturgruppa

Med mål om aktivitet i bygda, legg leiar Eirin Frantzen (99 01 70 15), Åshild Solbjør, Ingebjørg Drivarbekk, Rainer Müller, Marianne Solstad, Kristina Huitfeldt Carlsen og Anna Vinjerui Lid med meir eller mindre jamne mellomrom hovuda i bløyt for å spekulere ut nye sprell. Samstundes tilbyr Kulturgruppa ryggstøtte til sambygdingar si gjennomføring av ulike arrangement.

Ta kontakt med ein av medlemmene om du har ein idè til aktivitet du gjerne vil setje ut i livet!

Yogakurs
Yogakurs

Pinsemenigheten Betania Øyfjell

Pinsemenigheten i Øyfjell har sin base i bedehuset Betania, der song og musikk, samt eit tilbod til barn og ungdom er ein viktig del av verksemda. Sjå www.betaniaoyfjell.no for meir informasjon, eller ta kontakt med leiar Harald Skjong Kroken på tlf. 95 88 60 39, eller administrasjonsleiar Alfhild Kolbrek på e-post post@betaniaoyfjell.com.

Rorge Grendelag

Styret i Rorge Grendelag har mål om at flest mogleg skal kunne ha glede av huset, og brukar difor tid og krefter på oppussing og vedlikehald av det minste grendehuset vårt. Den årlege påskebasaren på Palmesundag og 4. dags joletrefest skaffar pengar på konto. Thorhild Rorge () er leiar, Svein Rorgemoen er kasserar og Oddbjørn Carlsen revisor. Elles er Anne Merete Rorge (kontaktperson for leige av Rorge grendehus, tlf: 48 27 57 50), Tor Ivar Drivarbekk-Åmot, Arild Øygarden, Karin Drivarbekk og Kristina H. Carlsen med i styret. Vara er Dorthe Huitfeldt.

Sondovlid skøyte- og skiflygarlaug

Idet Sondovlidvatn gjer seg klar til vinteren, sit forventingsfulle laugsmedlem og slipar skøytene sine. Dei er klare for ein lynande effektiv skøytesesong, før snoen legg seg altfor tung – og det er tid for å leite fram hoppskia, tråkke underrenn – og førebu seg på lange svev og breie glis i bakken. Roy Gunnar Bergland (90 01 70 49) er laugsleiar, elles medverkar Ånund Sørbø, Knut Arne Lid og Harald Rishovd. Lauget ynskjer nye medlemmar velkomne med opne armar!

Styret for Øyfjell Bygdemuseum

Gøran Moen (91 88 59 34) sit som leiar, elles er Wenche Seltveit Skolås og Ånund Sørbø med i styret.

Museum ute
Museum ute

Støttelaget for Øyfjell Bygdemuseum

Støttelaget engasjerar seg for aktivitet på bygdemuseumet vårt – sommar som vinter. I tillegg syter dei for at det kjem pengar i kassa!

Sigrunn Volhovd (92 61 66 77) sit som leiar, elles er Jorunn Rorge, Karin Drivarbekk, Åshild Emma Solbjør, Tarjei Førstaul, Gudny Lid Unhjem og Margit Lognvik med i styret.

Øyfjell Grendelag

Øyfjell Grendelag ynskjer liv og røre på Øyfjell grendehus, og syter for innkjøp av utstyr og inventar. Wenche Tvedt Trovatn (40 29 46 19) sit som leiar, elles er Jorunn Rorge, Tove Haugen, Anne Lise Moen, Anita Haugen og Ellen Volhovd med i styret.

Øyfjell Miniatyr- og pistollag

Øyfjell miniatyr- og pistollag har pistolskjoting på innandørsbanen i grendehuskjellaren ei gong i veka. Vinterstid skyt skyttarlaget med salongrifle på innandørsbanen kvar onsdag klokka 18.00. Laget har eigne lagsvåpen til utlån. Kjetil Nordstoga sit som leiar for laget, som trekkjer stadig fleire medlemmar frå både Øyfjell og omegn (oyfjellminiatyrogpistollag@gmail.com / 91 85 83 79).

Øyfjell-Raudsinutan Løypelag

Tre staute karar syter for at me har nær 50 km. oppkøyrde løyper i Øyfjell kvar vinter. For meir informasjon om løypenettet, sjå loypelag.no, eller ta kontakt med Jan Halgeir Landsverk (jan.hallgeir@loypelag.no, tlf. 97524346), Olav Førstøyl (olav@loypelag.no, tlf. 90693155) eller Ole Kristian Nyhus (ole.kristian@loypelag.no).

Jan Hallgeir køyrer løype
Jan Hallgeir køyrer løype

Øyfjell Sokneråd

Leiar er Gudny Lid Unhjem (93 85 55 41).

Øyfjell Skyttarlag

Dameskjoting
Dameskjoting
Elin Rorge
Elin Rorge

Kvar onsdag så godt som året rundt yrer det av små og store skytterar på dei to skjotebanane i bygda. Vinterstid innandørs i skjotebanen på grendehuset, elles utandørs på nye Øyfjell Skjotebane. For meir informasjon om skyttarlaget, sjå www.dfs.no eller ta kontakt på epost oyfjell@skytterlag.no. Jan Øystein Skolås er formann, elles er Jan Hansen, Thorild Rorge og Lars Tore Seltveit med i styret.

Skyting
Skyting

Øyfjell Utvikling

Med visjonen «Øyfjell – ei levande bygd» ynskjer Øyfjell Utvikling å vere ein støttespelar for utvikling av næringsliv og kulturliv i bygda. I tillegg engasjerar styret seg i rekruttering av nye sambygdingar gjennom marknadsføring av prøvebustaden vår, samt å fungere som mottakarteam for dei som ynskjer å prøvebu Øyfjell.

Anna Vinjerui Lid (40 29 53 81) sit som leiar, elles er Bjarte Hestdalen, Madeleine Ek, Anne Kvaale Bjerk, Ånund Sørbø og Annette Kleiv med i styret.
For meir informasjon, klikk deg inn på denne nettsida sin Kontakt-side, eller send ein epost til oyfjell.utvikling@gmail.com.

Løypene
Løypene

Hyttevel

  • Buin/Trovatn Hyttevel – Knut Baugerud, tlf. 97 08 93 99
  • Sauli Hyttegrend Velforening  – Lars Oddvar Aulesjord, tlf. 91 83 51 68
  • Breivatn Hytteforening – Gunleik Hynne, tlf. 91 67 94 79
  • Breivatn Hyttefelt (Hyttedalen) – Per Rune Christoffersen, tlf. 93 42 20 44
Sykurs
Sykurs
Strikkekafé
Strikkekafé
Støttelaget
Støttelaget
Ruth Kvålo Dalen byr på kake
Ruth Kvålo Dalen byr på kake