Bygdeprosjekt 2006-2009
Fem rastlause medlem av Øyfjell Utvikling var i grunnen alt som skulle til.
Fem som valde å ikkje sitje mumlande i krokane medan potensielle heimatt- og tilflyttarar sondera bu-terrenget heilt andre stader i vårt langstrakte land. Med ein god porsjon pågangsmot ispedd ei smule galskap, vart Øyfjell City-prosjektet stabla på beina. Prosjektet satsa friskt og framtidsretta mot å auke folketalet, auke trivselen og auke talet på arbeidsplassar i bygda vår. Med seg fekk dei ein ivrig dugnadsgjeng – ingen redde for å ta i eit tak, og alle med tru på at det nyttar å stå rakrygga imot flyttestraumen inn til meir urbane delar av landet vårt.