Hei, her kommer ei historie og etterlysning frå 1949. Håper noen sitter med tips til Svein A Vinjerui.😃![]()
![]()
Eg vil gjerne dele ei historie med dykk frå mi tid i Øyfjell, som går 75 år tilbake i tid.![]()
Mor, far og syster mi, Kirsten, flutte til Øyfjell i 1948.Far var drivar på Øyfjell handverkslag sin snekkarverkstad. Dei fekk husvêre i Straumekrysset, ved sida av butikken. Huset var oppstelt så det skulle passe for ein liten familie. Så skulle det bli familieauke våren 1949 - det var eg som var på veg. Det var mykje sno den vinteren, og doktoren meinte at dei kjeringane som var svangre i Øyfjell då, måtte reise til fødestoga på Ulefoss. Øyfjellvegen og anna transport til fødestoga på Rauland ville bli vanskeleg.Derfor blei det drosje til Ulefoss, eg trur det var i slutten av april. Det hadde vore mildvêr ei tid, så det var berre å reise.![]()
![]()
Mor har fortalt i ettertid om turen. Det var ein lang tur, og før dei hadde kome til Høydalsmo hadde bilen sett seg fast fleire gonger. Drosjesåføren (Villhodd) høgg greiner av grån og la i vegrepune. Så måtte mor og dei to andre høggravide kjeringane ut og skuve bilen! Fram kom dei, og det blei heldigvis ingen fødsel undervegs! Mor blei gåande lenge og vente på Ulefoss - heilt til 16. mai før eg såg dagens ljos, men eg trur dei to andre blei fødde før meg.![]()
![]()
Det som eg lurar mest på no er: Kven var desse to andre som er omlag jamngamle med meg, og mødrene deira, som hadde same opplevinga som mor mi, på vegen til fødestoga? Eg har i mange år lura på kven dei to andre nyføddingane var, som også fyller 75 år i desse dagar?! ![]()
![]()
Eg trur eg møtte ei av dei Silkedalen for nokre år sidan, på ein vårtur på ski der, men eg er litt usikker på dette. Kven tredjemann var, veit eg ikkje.![]()
![]()
Heimturen frå Ulefoss gjekk med Victoria i slutten av mai, til bryggja i Lårdal. Der henta far og onkelen min, Gunnar Midtbø, oss med lastebil. Så var det attende til Øyfjell. Seinare på hausten flutte me til lærarbustaden i Øyfjell, der me budde i lag med Andres Mæland. Neste haust kom bror min; Norleiv, til verda på fødestoga i Rauland. Det var produktive år!![]()
![]()
Men som sagt: dersom nokon kunne hjelpe meg å finne ut av kven "medpassasjerane" til mor i drosja var, og kven ungane er, så hadde det vore moro å høyre frå dykk.![]()
![]()
Beste helsing![]()
Svein A. Vinjerui